ДурхIяла варгил-неш губ агорил

БухъутI бугьулри майдан,
Цабри бехьнила заман,
Уршила неш ребкIиле,
Укlулри итI ай аман.

Нешли хIулбе  хIабхьуле,
ВехIихьиб урши исес,
Някьбачу шиш рируле,
Дигахъуле тIатI рарес.

«Неш» хIу рууд русуле?
ХIаке зат леб илкIахъуй,
ЦIуба-цIуба халтIилзе,
Цаби хIу гьарсра рируй.

Нуни хIабалуй халкьли,
ДучIуле буар балгне,
ХIаргъуле мягIна нуни,
Цайра цIакьле гIядабле.

«Дудеш» дизе бурагъа-
Цес неш гьигь хIарукIара?
«Дудеш» гьачам тIарагъа-
ХIулбе цес хIабхьувара?!

Вай цаца ну исулра?!
Нешли бикьуле хIина.
Цаца гIядаб ухъувра?!
Це барша нуни гьана?

«Дия урши» майсуда,
Ну гIядаб малхъяхъида,
ТIаррукIуй хIа нешла рухI-
ГIядаб мадулхъяхъида.

Агора гьанна хIа неш,
Агор бугьуб гIяхI шатдеш!
Тяйди рикиле хIа неш,
ДакIу бухъун пашмандеш.

ХIария бягъибхIале,
Жаназа бихьес арку,
ХIябразе багъяхъиле,
ГIянжиличу кIапIбиру.

Дуниялзела гIялам?!
Кудияра дия неш
Угьуле уус хIяйран,
Це цаба эш гIядабдеш?!

«Неш ребкIибил багьува,
Биса бариб уршили.
Итике цIах дизува,
Назму белкIун Салимли».