Ваз хабар авани за вуч чIугзава,
Мурк хьтин са кIвале ацукьна тем-тек,
Шад яни, типIери руьгьда мугзава-
На вугай дердери ийизва гьелек?
Къецел къай, къене къай, чан кьуна къаяр,
Ийир-тийир я зун, амачиз къарар…
Им яни на заз тур ашкъидин паяр:
Кьинерив, гаф гунив ацIанвай чарар?
Эхь, гьикI сад лагьана дегиш хьана вун,
Акьван пак гьиссерин къадир хьанач хьи…
Ви хару вилери чIухна, кана зун,
На амма зун садра рикIел гъанач хьи…
Герек туш заз гила вавай жавабар…
Алахъда уьмуьруьз кIвачел къарагъна,
Элкъвена хтайтIа, мадни къаз хабар,
Аку зун жагъуриз хъсан чирагъ на…
Ваз хабар авани...
© Copyright: Билал Адилов, 2012
Свидетельство о публикации №112122900527
Свидетельство о публикации №112122900527
Рецензии