Хьо а къавалар, хьа фел дlаяьннай,
Цхьаккха кхерам бац хьона, доацадой сий.
Хьа даьхен совгlат, лоаман лувкхера,
Аьрзи хьаж тувсош, ловзаш лел бера.
Кизга чура хьежа хьа, вахара васташ,
Хьа керда хобораш даькъалца хьоасташ.
Гlийбат ца дарах, хьа сибат хозлу,
Вахар сел тиша дац, гаьннагlа мел дозлу.
Ша ма балийталах дегах, хам бац хьона,
Селхане йицлушшехь йоагl кхоане къона.
Готалехк тишъеннай, амма хьа дега чу,
Эзар ялат маьл дийнбеш лув.
Хьо а кхийнав хьал, бицбе хlаьта бала,
Замано улладой а lоажала зlал,
Гаьннара хозаргда цу айдаь дlашташ.
Хьа наlара тlа соцаргья цун lела пошташ.
Хьо а къавалар, хьа фел дlаяьннай,
Цхьаккха кхерам бац хьона, доацадой сий.
Хьа даьхен совгlат, лоаман лувкхера,
Аьрзи хьаж тувсош, ловзаш лел бера.
Гlермане, 20. Чантара бетта 2012 шу
Хьо а къавалар
© Copyright: Микаил Сапралиев, 2012
Свидетельство о публикации №112122001717
Свидетельство о публикации №112122001717
Рецензии