Яргъал я вун залай, гьикьванни яргъал,
Чилелай цавал кьван, белкини пара.
Бахтунин рекьерин кьуд пад я маргъал,
Чаравал дерт я хьи, тежедай чара.
Вун патав гвайила, са бахтавар хьиз
Лекь хьана кандай заз, цавариз лув гуз,
Архайин хьанай зун, яраб бес вучиз,
КIанивал вилерай аквада лугьуз?
Низ чидай, икI жеда гьиссерин эхир,-
Чи тар фад кьурада, кIурукI тавуна,
Белки вил акьуна, амукьна заз сир
Шахари муг кутан къулан тавуна.
Гьа икI яб ванцелла, вилер ракарал,
ИчIи я руьгьдин кIвал, къугъвазва гарар,
Тек са ви шикилар ама тIакIарал,
Садни зи накъвари кхьенвай цIарар..
2010
Низ чидай...
© Copyright: Билал Адилов, 2012
Свидетельство о публикации №112112100146
Свидетельство о публикации №112112100146
Рецензии
Сагърай Билал стха .зин страничкадиз атунай. Гила заз куьн шиирар к1елдай мумкинвал хьана. Зун гзаф шад я квел.
Гулья Мисриханова 13.09.2015 20:55 • Заявить о нарушении
Гулья Мисриханова 13.09.2015 20:55 • Заявить о нарушении
Сагърай, Гулья вах! Зунни шад я квез а мумкинвал хьуниз...) Квез чапдай акъатнавай ктабни мубаракрай! Мадни еке агалкьунар хьурай!Гьуьрметдалди, Билал Адилов
Билал Адилов 13.09.2015 22:55 Заявить о нарушении
Билал Адилов 13.09.2015 22:55 Заявить о нарушении