Дунен тlа ваха а лела а хала,
Берий а гlар яц хозаш хьа.
Бlалгlа-цlа латт миска, саг вала,
Уйлаш луттош лел ше цхьаь.
Вийзавац саг, дар буне ший,
Гуйре яр цун хинна неш.
Цlалг хьалдаь, хьегадеш нах ший,
Кхораш чамош нийслора беш.
Ха тlехьаювс аьнна, хетар хийла,
Оалар lуйрено илли.
Воккха мел хул, бlарг хьежар гlийла,
Лайчилла бера, дахьаш чилли.
Кхорий гаьнаш, къайгий беш мо,
Царца ду цо ший къамаьл.
Хобаванна, шелвенна зlамига бер мо,
Диканга тувс са, лехаш маьл.
loадаь рузкъа ший, цlерах кхосса,
Дувха дага, хlанз фу бе да.
Дийна, хьайза хинна мос а,
Мустаенна, корта ийрчбоаккхаш я.
Тlехье йоаца цlа хьанна эша,
Гуйра гlайгlа-те эший сона?
Дакъса хинна вагlа воккхасаг беша,
Хеталда къа цох тахан хьона.
Гlермане, 17. Лайчилла бетта 2012 шу
Тlехье йоацаш латта цlа
© Copyright: Микаил Сапралиев, 2012
Свидетельство о публикации №112111701702
Свидетельство о публикации №112111701702
Рецензии