Санъа коклерден бакъкъан йылдызлар ышыкъларнен сачларны сыйпады: "Айнанай".
Азбарда сени корьген хоразлар айран къалып артындан багъырды: "Айнанай".
Юреклерни якъкъан атеш киби, булутларны тешкен кунеш киби,
Джан достуны тапкъан койдеш киби балдан татлы тебессюмнен кульды Айнанай.
Янымдан саф хаял даин кечип, йылдыз даин этрафта нур сачып,
Елкенлер даин къолларны ачып зариф къараджа киби ойнады Айнанай.
Ёкъ эди азиз Кабеде хаджи, ёкъ эди джан дёгеджек демирджи,
Ёкъ эди сыджакъ къальбимнинъ таджы - озюни мераметсиз севдырды Айнанай.
Бу севданынъ сонъу олсунъ хайыр! Серсад не десе - эп санъа даир.
Акълыны джойткъан заваллы шаир бу ашыкъ шиирни санъа язды, Айнанай.
(Стих в процессе принятия откликов и доработки)
Айнанай
© Copyright: Сервер Садыков, 2012
Свидетельство о публикации №112110504133
Свидетельство о публикации №112110504133
Рецензии
Джанынъызны агъыртмагъа истемейим, амма, сонгъу сатыр экинджи сатырнынъ пейда олувыны анълаткъан киби ола))) Бу шакъа/мыскъыл тарзында язылгъан шейми, лирикамы? Догърусыны айтсам, эвельде язылгъан бир шииринъизни пек анъдыра.
Амма ритм, къурулыш боюнджа, бегендим.
Майе Сафет 05.11.2012 18:26 • Заявить о нарушении
Амма ритм, къурулыш боюнджа, бегендим.
Майе Сафет 05.11.2012 18:26 • Заявить о нарушении
Эстагъфируллах, эр тюрлю фикирге, корюшке ачыгъым мен, татам.
"Сонгъу сатыр экинджи сатырнынъ пейда олувыны анълаткъан киби ола" сезюнизни там оларакъ анъламадым амма. Анълатыныз лютфен.
Бу лирикадыр. Газель шеклинде язылгъан. "Айнанай" сезю ми ёкъса шакъа олгъаныны тюшюндирди сизни?
Анги шииримни андырды сизге бу, татам? Меракъ эттим.
Сервер Садыков 05.11.2012 19:10 Заявить о нарушении
"Сонгъу сатыр экинджи сатырнынъ пейда олувыны анълаткъан киби ола" сезюнизни там оларакъ анъламадым амма. Анълатыныз лютфен.
Бу лирикадыр. Газель шеклинде язылгъан. "Айнанай" сезю ми ёкъса шакъа олгъаныны тюшюндирди сизни?
Анги шииримни андырды сизге бу, татам? Меракъ эттим.
Сервер Садыков 05.11.2012 19:10 Заявить о нарушении