Гулладеннад жутт хьаргlаех йизза,
Сахьаташ дагардеш моастагlий ба.
Кlирбенна хьежадо ший бlаргаш сиза,
Къемато, ший мел вар цун доалах ва.
Меца саг, вузаргвац, меллара из кхоабе а,
Унзаре денош доазон тlагlерт.
Йилбаза зурма саг вахьац соцйе,
Шоайла вас лувцаш къувсо ши мерт .
Зlанараш лечкъадеш, бlарг хилар кхераш,
Текхабеш низткъала ший моажа гом .
Вай лаьтта доазон тlа тамашийна лараш,
Йуташ, дlабаьннаб аьнна хетийла тlом.
Даиман ахац наьхача коа вон тlа,
Дикан тlа кхоачаш хийла доагlа ди.
Хьаргlий жутт, гlолда гуш дикача наькъа тlа,
Аьрзен ца хилча, тац укхаза бlы .
Гlермане, 05. Лайчила бетта 2012 шу
Хьаргlий жутт
© Copyright: Микаил Сапралиев, 2012
Свидетельство о публикации №112110501588
Свидетельство о публикации №112110501588
Рецензии