Къавалар, укх вахара куц,
Ший хана, lажагlлу тlаяьнна буц.
Коара бераш а ловзараш лутт,
Селхане юстош, оазбувла бутт .
Дlадаьнначунца тхьуж дехкаш дац,
Сихвалар са деналца тац.
Мукх яа ухк када чу дlоагlаш,
Ший чотт тувсош зама а я йоагlаш.
Уж сахьаташ сов лорде гlертош,
Хийла гlулакха лоацъювла мерташ .
Дуне а хиннад чаккхе йолаш,
Дуне даа хилва ираз доалаш.
Къавалар, укх вахара чам,
Цу тlадама тlехьа оттаяц зам .
Вон каьхаташ доаржа ма делахь,
Сел энже ма хьерча цу кхелах.
Хьа гуйре сатийна йоагlаргья,
Цун мерчи хьона тlа улларгда.
Из кхоане ма гlерта сихъе,
Из lоажал вац саг ховш къаръе.
Гlермане, 20. Тов бетта 2012 шу
Ший ха хулаш
© Copyright: Микаил Сапралиев, 2012
Свидетельство о публикации №112102100509
Свидетельство о публикации №112102100509
Рецензии