Хьалбоала дошо малх
Хьа духьа боалалба,
Чубуза цIаста малх
Хьа духьа бузалба,
Буса лепа уж седкъий
Хьа духьа лепалда,
Цар хьеста дото бутт
Хьа духьа хьесталба;
Нокхараша мерза модз
Хьа духьа доахалда,
ЧIагаргий зовне оаз
Хьо хьесташ екийла,
Ашарий муъамаш
Хьо хестош бекалба,
Хьо йоацаш, кхычарна –
Цар мерзаш хедалда;
Иразан лакха бIоагIа
Хьа коа тIа отталба –
Харцонех, зуламех
Хьа ков цо лоролда;
Сиглений хоза ловца
Хьа хьаь тIа соцалба;
Са хьеста из безам
Хьа дегчу бужалба,
Цун дола сийрда са
Хьа цIагIа доссалда,
Дега гIозал совйоахаш
Хан-йIоахалла дIагIолда!
Амин!
2012 шу.
Ловца
© Copyright: Аслан Куазо Ингушетия, 2012
Свидетельство о публикации №112092502920
Свидетельство о публикации №112092502920
Рецензии