Зулун шикилар

Джарият Магомедова
Кьве вил к1ан я килигдайвал тамариз
Вуч гуьрчег я абур зулун береда,
Гьик1 и жуьре хважамжамдин рангариз
Эля хьанва тарар, тур хьиз ширеда.

Къит1кьина физ дигмиш хьанва емишни,
Вахчу лугьуз ялварзава дат1ана,
Таз и бегьер къведач садаз къимишни,
К1ват1да салан, багъдин, ник1ин талгьана.

Ракъини чим чуьнуьхзава са кьадар,
Ч1улав булут к1ват1ал жезва цавални
Цак акъудиз мугьман я чаз къайи гар,
Гьава гузвай кавал ала къавални.

Гуьзел зулун йикъарин и шикилри,
Вучиз ят1ан къалабулух кутазва,
За,тухузвай хиялари, фикирри,
Дурнайрин ц1иргъ яргъаз рекье хутазва.
                сентябрь 2012 йис


© Copyright: Джарият Магомедова, 2012
Свидетельство о публикации №112091208986
Список читателей / Версия для печати / Разместить анонс / Заявить о нарушении
Другие произведения автора Джарият Магомедова
Рецензии
Написать рецензию
Пара иер гафар я :)

Зарина97   18.02.2016 20:32   •   Заявить о нарушении
+ добавить замечания
На это произведение написаны 2 рецензии, здесь отображается последняя, остальные - в полном списке.
Написать рецензию     Написать личное сообщение     Другие произведения автора Джарият Магомедова