Къапалдым къафесинъе,
Азапнынъ эллерине.
Не япсам, къайда кетсем?
Не алсам, нелер этсем?
Эй, авджы, йибер мени,
Къыйнама юрегимни.
Мен — назик бир къуш, мен — ель,
Меним омюрим — коклер.
Багълама:
Меним башым айлана,
Огърадым бир белягъа.
Тузакъ къойдынъ сен манъа,
Мен де тутулдым онъа.
Меним башым айлана,
Юрегим исе яна.
Ач сен къафес къапысын,
Азатлыкъ керек манъа.
Алдатты шу сёзлеринъ,
Дюльбер, мавы козьлеринъ.
Не япсам, къайда кетсем?
Не алсам, нелер этсем?
Эй, авджы, быракъ мени,
Къыйнама юрегимни.
Азатлыкъ — меним ёлум,
Къафес — мен ичюн олюм.
Багълама.
Август 13, 2012 с.
Къафес
© Copyright: Эльмара Мустафа, 2012
Свидетельство о публикации №112081307759
Свидетельство о публикации №112081307759
Рецензии