Лекъаш, лекъаш…
КIорда ца деш, эшарш лекхна,
Сийна аьхке тили тIех.
Iоврийн доьхка юкъах доьхкий,
ГIаргIулеш къилбехьа лоьхкуш,
Гуьйре чоьхьа гIерта кех.
Некъаш дохкуш баца тIоьхла,
Хийла хилла некъийн охIла,
Даккъаш цоьстуш, лелла со.
Къилбе доьлху олхазараш,
Шун тIемаш кIел сан ирс дара,
Кхин ирс дуй-те хьаста дог?
Лууш ву шу юхадахка
Со а, шу а динчу махка,
Нехан ареш тосуш дIа.
Со-м ма вац сайн махкахь гIийла,
Лууш а вац тIома вийла,
ТIедогIуш Даймехкан Iа…
I977 шеран сентябран 24 де
Лекъаш, лекъаш...
© Copyright: Ибрагим Юсупов, 2012
Свидетельство о публикации №112072505019
Свидетельство о публикации №112072505019
Рецензии