Нанес оалар сога хийла, сиха ма ле,
Хулаш воккха, сихагlа кхест ер дуне.
Берал дагlац дага сай, es tut weh,
Доккхий бlаргашца хьеж со, буне.
Къаьнара цlа, шера уврамаш зувш,
Бурчолг хиннача бесса, мукх яа гуш.
Гаьний гlаьнаш юха муттхьалца лувш,
Латта хьош рувгlанаш, са дарий уж?
Хьеставац замано берашха санна,
Шераш а тигац хьоца ловз лечкъаргах.
Бирса зурамаш локха цар шоай хана,
Берни ниl къиза тlакъовл хетаргахьа.
Нанес оалар сога хийла, сиха ма ле,
Ха сиха йода, эшац са уддаде.
Дега чура ювла гуча, хаза Heimweh,
Бlен чура зийнар хала да эшаде.
Доага леторг, хийл бетта бlарг зувш,
Замано эшадеш рузкъан тхьуж.
Ираз хилда хьа шортта дега чу лувш,
Хилва хьо уйла е ховш, сурташ гуш.
Гlермане, 22. Кlимарса бетта 2012 шу
Берашха санна
© Copyright: Микаил Сапралиев, 2012
Свидетельство о публикации №112072300799
Свидетельство о публикации №112072300799
Рецензии