Незва за фу дад тагузвай
Ам зи къуьл туш зи гъуьрни,
Уьмуьрдикай вучда кузвай
Шадар тийиз гуьгьуьлни.
Ханва зи рик1 девирдикай
Мусибатар аквазвай,
Гьамбар жезва дердерикай
Къен мур ийиз ргазвай.
Жуьреба-жуьр ава гужар,
Къведа кьилел кар, дуьшуьш,
Т1ебиатдин къияматар
Аслу тушир жеда туьш.
Эхи жезвач завай инад-
Куьмек гурай гъуцари-
Хана гадарзавай чагъад
Чандиз кьазвай куцари.
Къе КУЬРПЕЯР ГАДАРЗАВА!!!
ЗИР-ЗИБИЛДАЛ(!!!)ХАЙИБРУ!!?
-Тахсир вуч я?-ялварзава
Гунагь квачир кайибру.
-Вуч я себеб ик1 гадарун
ХАЗ КЪУРТАРИН ХАРАДАЛ?
Вуч я себеб эвез авун
КЪУЖАХ Ч1УЛАВ ЧАНТАДАЛ???
-ДИДЕ!ДИДЕ!-ГЬАРАЙДАЛА,,
-ДИДЕ,ВАХЧУ!- КУК1ВАРДА!,
ВУНА ХАЙИ ВИД Я БАЛА!,-
ШЕЗВА ЧАГЪА КЪАГЬАРДА...
Хъуртарал чан акьалтзава,
Хъуртар ала сузадал,
Арайрава, чал гьалтзава
Куцар терг хьай пакадал.
Ханва зи рик1 девирдикай
© Copyright: Джарият Магомедова, 2012
Свидетельство о публикации №112070807198
Свидетельство о публикации №112070807198
Рецензии
МаншаАллаh,гьуьрметлу Джарият Магомедова!
Лап хъсан шиирар я...
Квехъ зурба агалкьунар хьурай...
Камалдин Ильясов Кашкентви 08.11.2013 19:17 • Заявить о нарушении
Лап хъсан шиирар я...
Квехъ зурба агалкьунар хьурай...
Камалдин Ильясов Кашкентви 08.11.2013 19:17 • Заявить о нарушении
Сабур шехьзава са велед авач лугьуз, бес къадирсуз алчахриз вучиз аллагьди гузва куьрпеяр,чпиз так1ан? Са шиир кхьихь аялар авачирбурун ялваррикай.
Нажмудин Шихнабиев 2 09.02.2016 18:44 Заявить о нарушении
Нажмудин Шихнабиев 2 09.02.2016 18:44 Заявить о нарушении