Ну што за вясна –
Дажджы і дажджы?!
Ажно чарвякі звар’яцелі!
Чыя ў тым віна?
Ўжо плямы іржы
На мне – на душы і на целе.
Свет плёхае, лье,
Гуляе вадой .
Як столькі паветра трымае?
Зямля ўжо не п’е
З нябёсаў напой –
І так ад струменяў п’яная.
Бы мора – палі,
Балота – двары.
Як нораў стыхіі адужаць?
Як выжыць, калі
Вакол і ўнутры –
Адныя самотныя лужы?
28.05.2010
Ну што за вясна...
© Copyright: Демьянова Татьяна Дмитриевна, 2012
Свидетельство о публикации №112070100928
Свидетельство о публикации №112070100928
Рецензии