Не задзімай сваё святло!
Не рві духоўную аброць!
І, як бы цяжка не было,
Ў абдымкі цемры не сыходзь.
Нясі цярпліва долі крыж
І не імкніся наракаць!
Бог не дае паклажы звыш
Таго, што здолееш стрываць.
А напаўзе туга, адчай,
Не спавівай душу нудой,
Сабе закіснуць не давай –
Змагайся дзеяннем з бядой!
Калі ж адолееш усё
І ўбачыш сонейка з-за хмар,
Скажы з усмешкай: ”О, жыццё!
Ты – блаславенны Божы дар.”
4.04.2011
Не задзiмай сваё святло!
© Copyright: Демьянова Татьяна Дмитриевна, 2012
Свидетельство о публикации №112070100871
Свидетельство о публикации №112070100871
Рецензии