Иллеш декийта укх заьла бетта арсмако ,
Вlовнаш теркийташ, ха-зама йа.
Ма болба тийша болх тессача вошало,
Фел даим лоаттайеш даха дезаш да.
Зурма ший йилбаза локхаш а мух хургба,
lаьржача морхаша тувсош шоай дохк.
Вай гlалаш латташ, шераш дlаухаргда,
Денало, майрало къоабалбаь мохк.
Ширача хана денз арсмаке йовзаш йоагl,
Укх тlемхой сийле вай дега чу йаха.
Заьла бутт заман куц хинна эйбенна боагlа,
Тlемхой сий лорде нидз лолба даха.
Маьнги кlала диг улладеш зама ма йоагlийла,
Тlангара килга хьекхош, мекх хьовзадеш.
Оарцдоаккхаш Башлоаман йаьрлакхе оагийла,
Пис мел вар йаьра талгlено оача а веш.
Гlермане, 20. Аьтинга бетта 2012 шу
Арсмакен заьла бутт
© Copyright: Микаил Сапралиев, 2012
Свидетельство о публикации №112062008636
Свидетельство о публикации №112062008636
Рецензии