(песня на беларускай мове)
Цябе імкліва гоніць лёс
І да мяне, на жаль, прынёс -
Цяпер душа заходзіцца ад болю.
Сябры казалі спакваля,
Ды зразумела позна я,
Што ты завешся Перакаці-поле.
Прыпеў:
Пацалункі з губ зрывай,
Адлятай на волю.
Я скажу табе: "Бывай,
Перакаці-поле!"
Гоніць ветрам па жыцці,
Мабыць, волі мала.
Ты сказаў мне:""Адпусці" -
Я не затрымала.
Нядоўгі шлях наш у жыцці:
Ад слёз дзіцячых да куцці,
Яго праходзім на адным дыханні.
Але ў кожнага, бадай,
Ёсць непапраўная бяда -
Прыпыначак пад назваю "Каханне".
Прыпеў.
Ляці, ляці ў вялізны свет,
Неўтаймаваны прайдзісвет,
Заменіць смех жаночая патоля.
Быў слоў тваіх пяшчотных мех,
Ды згінуў смех - застаўся грэх.
Але што ж возьмеш з перакаці-поля?
Прыпеў.
Перакацi-поле
© Copyright: Леонид Ганчаров, 2012
Свидетельство о публикации №112060904167
Свидетельство о публикации №112060904167
Рецензии