Атанва зун мад ви патав, Каспи гьуьл,
Са гаф лагь заз, ахъая на зи гуьгьуьл,
МичIи я къе зун паталди чилни цав,
Минет хьурай, са тIимил кьван рахух зав.
Белки ятIа зи тIалариз шерик вун?
Аквазва заз къе, гьа зун хьиз, гъарик1 вун.
Белки вунни галатнава, гъам чIугваз,
Винел кьванни акъуд тийиз, къене тваз?
Вучиз икьван секин я ви лепеяр,
Къацу я хьи кьуд пад кьуна тепеяр?
Белки ама ви руьгьдани хъуьтIуьн къай,
Гьатнавач жал ви лепейра яран цIай?
Ви яхадиз къвезава зун, хайи гьуьл,
Чуькьуьдайла виш хиялди кьуна кьил,
Акъвазна гьа ви деринриз килигиз,
Дердерикай ваз манияр гилитIиз…
Дердерикай ваз манияр гилитIиз
© Copyright: Билал Адилов, 2012
Свидетельство о публикации №112042510436
Свидетельство о публикации №112042510436
Рецензии
