"Аятынъ манасы къолларында" демедин ми, Достум?
"Аллахынъ севгиси къулларында" демедин ми, Достум?
Ёлумны джойттым - акълымны таптын, кельдин, къойдын ерине.
"Эр ший кечер аят ёлларында" демедин ми, Достум?
"Сен олмасан да, ким къазаныр, зафер кимни озьлер, беклер
Дюньянынъ къанлы савашларында" демедин ми, Достум?
Къолумны кестим - ярамны сардын, бакътын, тохтаттын къанны.
"Биль, эр вакъыт варым мен янында" демедин ми, Достум?
Сенсиз, азиз Достум, Серсад усаныр, ташларгъа такъылыр,
Узаныр къалыр ёл кенарында - демедим ми, Достум?
Газель. Достум акъкъында
© Copyright: Сервер Садыков, 2012
Свидетельство о публикации №112041303791
Свидетельство о публикации №112041303791
Рецензии