Кхийнад хьал бераш зlамига сиха,
Фусам латт цар, ший бос хийца.
Доаккхар берашта дас хийла нихь,
Тахан хиннад цох lаьржа кица.
Да-м веннав, къаракъо вохаваь,
Бераштa кепигаш мара ца дуташ.
Вахар из, баьде каша чу дlа,
Юташ царн шийх йисса къурдаш.
Наха-м оалар царeх тlехье хургьяц,
lаьржа, даькъаза хабараш дувцаш.
Нанас оалар, сатох, хlамa дергдац,
Вай йиш яц наьха нахаца къoвса.
Бераш кхийнад хьал, ха ца зувш,
Хоза къонахий, денал долаш.
Ба уж нахаца тахан дика товш,
Цlеначa нигатца, догцlена долаш.
Гlермане, 09. Тушоли бетта 2012 шу
Да воаца тlехье
© Copyright: Микаил Сапралиев, 2012
Свидетельство о публикации №112040909401
Свидетельство о публикации №112040909401
Рецензии