Дахар хадахь хьайнчул хьалха сайниг,
Дехар хир ду хьоьга сан весетах:
ЧIир а лаций, хорам къуьйлуш хьайна,
Далла дезна доцург тIе ма леца.
ГIайгIанечу новкъахь со ма леха,
ГIийла ойла суна хийра хилла.
Со-м, Чегем-хин гIовгIа лерехь ехаш,
Зевне некъаш гездина юй хийла.
Ахь со леха дахаран мукъамца:
БIаьргаш теIош, седа серлабаьлча,
Стигал этIош, Iеначу догIанца,
Ховха буц мехашца ловзаяьлча.
Олхазарийн эшаршка ладогIий,
Тергалъе ахь сох йисина бIаьсте –
Гур ду хьуна, цо хьан дог ма-хьаьстти,
Сан са ирсах хьуна гергадогIур.
(ГIебартойн маттера)
Роза Агоева. Дахар хадахь...
© Copyright: Адам Ахматукаев, 2012
Свидетельство о публикации №112040209111
Свидетельство о публикации №112040209111
Рецензии
Говзанчо дика кхочушбина болх бу х1ара!
Чулацаме байт-весет а хилла Агоеван!
Адамна диканиг хила лаарца,
Асламбек.
Асламбек Гайтукаев 26.07.2017 16:48 • Заявить о нарушении
Чулацаме байт-весет а хилла Агоеван!
Адамна диканиг хила лаарца,
Асламбек.
Асламбек Гайтукаев 26.07.2017 16:48 • Заявить о нарушении
Дела реза хуьлда хьуна, Асламбек! Х1окху чохь со хилаза дукха хан яра. ПрозаРу чохь ахь яздинарг а гина суна, амма пароль йицъелла, цундела х1ума ца яделла соьга цигахь.
Адам Ахматукаев 31.12.2017 00:04 Заявить о нарушении
Адам Ахматукаев 31.12.2017 00:04 Заявить о нарушении
На это произведение написаны 2 рецензии, здесь отображается последняя, остальные - в полном списке.