Сагай саримтра дирид,
Дугьбера далдиркахъид,
Энхъуна багьри гибил,
Аллагьис шукру бирид.
Къадарунтла шимазе,
Ца хlу поэт угьубил,
Лебилра Дягъистайзе,
Ура хlа ахъ бугьубил.
Някьбазе пагьмура гиб,
Бекlизе багьрира гиб,
Гьар назму Шапи хlунра,
Кабиахъиле хал бирид.
Жегой суратме дирхъид,
Выстовкалике дирхьид,
Шакдеш агора Шапи,
Цайсил мерра биргъид.
Аллагьли ахъри габ хlатl,
Гlурра вашес эн хlяйке,
Угьубил бирис хlяракат,
Нура мушуйкес хlакем.
Шапи Рабаданову
© Copyright: Салим Герейбеков, 2012
Свидетельство о публикации №112031006300
Свидетельство о публикации №112031006300
Рецензии