Теснифда за ватан жуван!
Къе са касди лагьана заз:
Фагьум гана, ша вун акъваз!
Низ лазим я ви шиирар,
Амачни ваз ийидай кар?
Хкадара вуна чIалар.
Аку кIвалах гъидай пулар,
Я, кIан ятIа, жен мецерал,
Кхихь вуна маса чIалал!
Лагьана за: я бейниван,
ЧидачтIа, ваз хьурай аян -
Зун патал туш а машгьурвал,
Ша тегьнеяр вегьимир зал.
Дидедин чIал гьар са чIавуз
Са гъед я, заз даим нур гуз,
Экв гъизавай зи вилериз,
Къуват гузвай зи гъилериз.
Ваз амани мад гаф, хълагь!
Чешне я заз чIехи Далагь;
Адан рехъ къе давамда за,
Хайи чилиз икрамда за!
Даим вине къаз ч1ал масан,
Теснифда за ватан жуван!
06.01.2012
© Copyright: Билал Адилов, 2012
Свидетельство о публикации №112030603170
Свидетельство о публикации №112030603170
Рецензии
Маса гузвач, Билал, жуван дидед ч1ал,
Мурад я ам машгьур авун виридаз,
Къуй, тесниф хьуй, атуй шиир арадал,
Мани я ам, бахшзай лезги к1анидаз!
Джарият Магомедова 26.03.2012 22:35 • Заявить о нарушении
Мурад я ам машгьур авун виридаз,
Къуй, тесниф хьуй, атуй шиир арадал,
Мани я ам, бахшзай лезги к1анидаз!
Джарият Магомедова 26.03.2012 22:35 • Заявить о нарушении