Кондак, глас 6, тропарь, глас 4

Предстательство христиан непостыдное, ходатайство ко Творцу непредожное, не презри грешных молений гласы, но предвари яко благая на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.
                -  -   -    -   -   -  -
 Взыщи нас, погибающих, Пресвятая Дево, не по грехом бо нашим наказуеши нас, но по человеколюбию милуеши: избави нас от ада, болезни и нужды, и спаси нас.

                МОЛИТВА
 Заступнице усердная, благоутробная Господа Мати! К Тебе прибегаю аз окаянный и паче всех человек грешнейший, вонми гласу моления моего и вопль мой и стенания услыши.
 Яко беззакония моя превзыдоша главу мою, и аз, якоже корабль в пучине, погружаюся в море грехов моих. Но Ты, Всеблагая и Милосердная Владычице, не призри мене отчаянного и во гресех погибающего, помилуй мя, кающегося во злых делах моих, и обрати на путь правый заблуждшую душу мою, На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков.Аминь.