Ви паталай гьазур я зун алудиз
РикIелай и дердер, гъамар са тегьер,
ЧIулав кифер, авахьнавай далудиз,
Ахкун патал гьич тахьайтIа са сефер.
Йиф акъатна хиялзава гьа вакай,
Гьава дар я - амач ина ви атир...
Эхь, вучда кьван ахъа жедай йикъакай
Вун авачир - йифелайни мичIи тир?
АватIани лап яргъара вун залай,
А вилери секин тазвач инани.
Бес на гафар, кIанивилин дад галай,
Са масадаз лугьун патал тунани?
03.2011
Амач ина ви атир...
© Copyright: Билал Адилов, 2012
Свидетельство о публикации №112013008576
Свидетельство о публикации №112013008576
Рецензии