Теша со, 1аьнан чилла
Яхлур ца хиларах,
Б1аьстено шен бакъо
Схьаоьцур хиларах,
Вай къастаран чеккхе
Т1екхочуш хиларах.
Марша ва хьо! -
Ас хьоьга эр ду.
Эхь хетарца лаьтта
Б1аьра а хьоьжуш -
Ган дог1на хилла - кх
Вай вовшашна.
Ма деха оьхура и деса денош
Хьо суна юххехь воцуш,
Доггах хьан б1аьра
Хьажа йиш йоцуш,
Хьан аз лерехь хезийла доцуш. -
Х1етахь эр ду
Дагахь мел 1аь1нарг.
Хазахетарца деттало дог -
Кийрахь сеца а ца луш,
Б1арлаг1а хилла
Хьо юха а варна кхоьруш.
Т1къа х1инца арахь
Ду шийла 1а.
Хьан васт иэсахь лардеш,
Хьоьца хьарчина
Лаьтта сан ойланаш,
Хьоьгара косташ лардеш
Деха оьху суна денош.
Теша со на чеченском
© Copyright: Заира Ибрагимова, 2012
Свидетельство о публикации №112011803302
Свидетельство о публикации №112011803302
Рецензии