Дамах ая

Яб це  вуна,япагьан хьуй вун патал,
Велед тирди  чIехи  халкьдин,  тIвар  гъвечIи.
Гьар са чIавуз,таратI кьуна  дидед чIал,
Хайи чилел, пундал дамах ая  чи!

Птул я вун машгьур шаир Далагьан,
Цикьвед лагьай виш йисара  уьмуьрай,
Рик1ерава гьар са фикир, гаф  адан,
Дердер, гъамар кьаз ц1арариз элкъуьрай.

Гапур хьана,  хурар  падай душмандин,
Гьажи Давуд  хьурай даим ваз чешне,
Лезги намус кьуна рехъ хьиз имандин,
Гъиз тахьурай  пак гуьзгуьдал  са  рехне!

Ярагъвиди дерин гьуьл тир  илимдив
Гьазурнай са Шамил хьтин къагьриман,
Асландин рикI  ганай адаз  кьатIунрив,
Чапхундайдаз тагудайвал  гьич аман.

Ваз чидани КIири буба вуж ятIа,
И   кьегьал кас,  адалатдин  женг чугур?
Бубадин тIвар  къе мецерал  алатIа,
Са чIавузни  лезгидин  юкь  жеч какур!

Хуьлуьхъвияр, Яралияр чахъ  ава,
Машгьур  тушни кьегьалвал  эл- убада?!
Къени вири  тажубдаказ  рахазва
КIукIварнай гьикI душман лугьуз  Къубада!

Алкъвадарви Эфендидин эсерар
Авайбур я  кьатIун-мана лап дерин,
КIелин чна кIанивилив гьа цIар-цIар
Чирин тарих чи ватандин  чилерин.

Яб це  вуна,япагьан хьуй вун патал,
Веледар  я чун са халкьдин лап   чIехи!
Гьар са чIавуз вине кьуна    дидед   чIал
Хайи чилел,  пундал  дамах  ийин   чи!