Расу чIарар, цIару вилер, лацу перем...
Гъиле авай шумуд ктаб, дафтар-къелем.
Акъвазнавай са пипIе ам кхьиз-кIелиз,
Гаф лагьайтIа, гьазурди хьиз, гьасят хъелиз…
Гагь гагь патахъ килигзавай хкажиз кьил,
Гагь явашдик алтадзавай чIарарал гъил.
Къекъифнавай лацу хъуьхъвер акъатна яр,
Са легьзеда зи чанда гьикI гьатна цIаяр...
Садра акун бес хьана жал, кIан хьун патал?
Чалахъ тушир и кардал зун икьван чIавал.
За лагьана, эгь, алатда рикIелай ам,
Жегьилзамаз чIугвадач хьи ацукьна гъам?
Алахъна зун алудна вил, акъатна физ,
Амма рикIе са тIал хьана юкъуз-йифиз….
Ингье гила шумуд йисар алатнава,
Зун рикIикай, рикIни закай галатнава.
Фад–фад гила са суалди эгъвезва гьикI
АхквадатIа яраб, лугьуз, къекъвезва рикI:
Расу чIарар, цIару вилер, лацу перем,
Жув жувакай хабар тушиз хьана Керем...
Расу чIарар, цIару вилер...
© Copyright: Билал Адилов, 2012
Свидетельство о публикации №112011405689
Свидетельство о публикации №112011405689
Рецензии
Чан сагърай атана к1елай.. къимет гайи ! Агалькунар !
Билал Адилов 16.01.2012 03:19 Заявить о нарушении
Билал Адилов 16.01.2012 03:19 Заявить о нарушении