Заз акI жедай, рагъ куь патай атай хьиз,
Садлагьана чанда ялав гьатай хьиз,
И муьгьуьббат гьар са касди кьатIай хьиз,
Вун заз мукьвал хьайи чIавуз, kIаниди.
Цуьк ахъайна халича тир яйлахар,
Гъерида хьиз, фидай крар, кIвалахар,
Гьикьван гур тир чи ашкъидин булахар,
Вун зи патав гвайи чIавуз, кIаниди.
Къумлухрикай заз бегьер квай сал хьанай,
Хвешивиляй зун ви вилик лал хьанай,
Белкини чаз гьа легьзеда чIал хьанай,
Вуна заз гаф гайи чIавуз, кIаниди?
Яргъал фенач, бахтунин цуьк кьурана,
Шербетдикай зегьер хьана курана,
Къукъвана зун, алугна зун, цIрана,
Чаравили кайи чIавуз, кIаниди...
Гьикьван гур тир чи ашкъидин булахар...
© Copyright: Билал Адилов, 2012
Свидетельство о публикации №112011401139
Свидетельство о публикации №112011401139
Рецензии