Дидейрин югъ
Къейд ийизва дидейрин югъ,
"Дидеяр хуьх!" - лугьузва.
Диде я зун, зи девирдан
Дидейрин рик1 ат1узва.
Къурхулу я акъадариз,
Шарагар къе мукарай,
Акьребари хаталу чил,
Эк1янава яргъарай.
Фендигарри азгъунари
Алдатмишриз таза мефт,
Ясда тунва къе хайибур,
Гатаз чпин кьилни мет.
Къени карда чан эцигай,
Гьар садан амукьда т1вар.
Жегьил чанар барбат1 жезва,
Алакь тавур са гьунар.
Кьегьалвилелд кьейит1а хва,
Дидедин кьил винева,
Гьак1 пуч жезвай жаванарин,
Гунагьар нин хивева?
Къейд ийизва дидейрин югъ,
-"Дидеяр хуьх!"- лугьузва...
2. 11. 2010 г.
© Copyright: Джарият Магомедова, 2012
Свидетельство о публикации №112010309830
Свидетельство о публикации №112010309830
Рецензии