Интернет

       
Шагьид хьана йикъара зун
Эхтилатдин хзандин,
Кьуьзуь халу гьазур хьанвай
Туьквендиз физ райондин.
-Вуч хабар я, итим, квез мад
Харж ийизва кепекар?
--Компьютер къачуз физва,
Мийир гьак1 жув гьелекар!
Квез я чи а ажайиб шей,
Куьз квахьнава ви кьарай?
--Интернет я кьилин метлеб,
Акъудмир гьарай-вургьай.
-Гьич гъавурда акьазвач зун,
Жедачни дуьз лагьайт1а,
ЖК кьулу телевизор,
Телефон чахъ авайд я.
-Акъатнава,къари, са зат1,
Аламатрин аламат,
Герек къведай вич виридаз
Чарасузди гьакъикъат!
Са легьзеда жагъурда дуст
Такур шумуд йисарин,
Гьейранарда рецептари
Сагъламвилин курсарин.               
Жавабар четин суалриз,
Ктабарни гьар жуьре,
Чириз дуьньядин хабарар
Хкяна к1анда уьлкве.
Аяларни патараллай
Экрандилай аквада,
Чун абурухъ к1валин къене
Дивандилай рахада.
Гьатта свасни жагъур жеда
Интернетдин клубдай,
Парталарин хкягъ фасон,
Рахкурда ви к1алубдай.
Лезги кимел,ЛезгиЯр-диз
Гьахьда йифен кьулариз,
Меслятар гуд президентдиз,
Чар кхьида яргъариз.,
Интернетдихъ мумкинвилер
Мадни,къари, авайд я
Галачиз ам амай уьмуьр
Ракъур жадан гьавайда?
Рази я зун,къужа,гьелбет,
Алад гъваш а интернет
Сиягьатиз чилин шардал
Лазим къведач чаз билет.

                июль 2011 йис