ХIай Везан Дела
Собар лохьа
Эхь доцу нах
Дуьненчохь лан.
ХIай Везан Дела
НицIкъ лолахь тхуна
Дахарехь харцонаш эшо.
Ларделахь тхо
Ямартлонах,
Шалха адамех,
Сий доцчу нахах,
Гергарлон хийронах,
Яхь йоцчу къонахех,
Бух боцчу кураллех,
Доьналлех доьхна
Де эшна дисарех.
ХIай Везан Дела!
Лохьа тхуна адамалла.
Шагделла доьлху
Тхан дегнаш
Хьай ницIкъаца
КIад а дей
Лолахь марзо.
Тхан Iосалле
Ца хьожуш, тхан
Мискалле хьаьжна
Къинхетам бехьа
Тхо кхоьллина Дела!
Ларделахь тхо... на чеченском
© Copyright: Заира Ибрагимова, 2011
Свидетельство о публикации №111122609301
Свидетельство о публикации №111122609301
Рецензии