Ма хьалхе ягIа хьо
Сан хьоме нана,
Тхо цхьалха дитна ахь
ГIа доьжна дитт санна.
Хьо эшар дицди - те ахь
Дахарехь тхуна?
Нана! КъинтIера ялахьа
Хьо йолчу дIайига
Синтем а боцуш
Сагатдо хьуна.
Ма елха сан хьоме йоI,
ДIабаккха сигаттам.
Яьлла со - м дера
Хьуна къинтIера.
Ма елха сан жима йоI,
ХIоранни шен зама ю,
Дахаран чолхачу некъахь
Шун накъост вай АллахI ву,
Шу цунна тIетовжа.
Хьай мискачу де ахь
Дола делахь,
Хьай гIила йижарий
Дог ахь хьасталахь,
Хьай вежаршна
Накъост хили дIахIотталахь.
Дерриг гуш, хьоьжуш со Iа.
Ма леда де бIаьрхиш,
Ма бе ницкъ суна,
ЙогIур ю кестта со
Хьуна гIенаха,
Тешалахь, тешалахь...
Ма елха
© Copyright: Заира Ибрагимова, 2011
Свидетельство о публикации №111121906483
Свидетельство о публикации №111121906483
Рецензии