Бадедин квар

               
          Аманат яз хуьзва за
          Багьа ядигар,
          Нек1един чар юзурдай
          Кьенч1ин яру квар.

         Сун хранвай ц1ару еб,
         Сив кут1ундай хъурхъ,
         Галай кварци хутахда
         Вахтар заз кьулухъ…

         Къе зани а кварцелай
         Вахчузва дуьдгъвер,
         Багъишзавай гьакъисагъ
         Зегьметди бегьер.

         Юзурдайла ацукьна,
         К1ват1 жеда кифлет,
         Кварцик чпин пай кутун
         Хьанвайбур хесет.

         Гьатда к1вале манидин
         Рик1из хуш аваз,
         Квар вегьейла мет1ел кьаз
         Бадед чирай заз:

         «Нехирар хьуй калеркай,
         Хиперкай суьруь,
         Зи гафари темпелдиз,
         Авурай регъуь.

         Хкяйнек1ед къафунар,
         Мукашни ниси,
         Бул хьуй къаймах гет1ейра
         Нек1един фири.

         Ац1анват1ан суьрсетрив
         Базарар пара,
         Гьикьван, гьикьван дадлуда
         Давугъад хап1а!

         Элец1тавуй биц1екар,
         Квар, куьмека са!
         Гузанариз лавашар
         Чразва суса.

         Кьегьалар яз ч1ехи хьухь
         Алакьдай крар,
         Тада за квез савкьват яз
         Зи бадедин квар».


         Анжах са кар аян я,
         Заз хуьзвай и квар
         Амукьдат1а юзурдай
         Ч1ем нек1един чар?…    2010йис