Гьеле рикIи ягъазма зи,
Ша, яб це на, эцигна кьил.
Гьеле ашкъи амазма зи,
Килиг вилиз, эцигна вил.
ТIимил хьанва чанда ялав…
Гьеле я зун ашкъид къази.
Тек са вавай гуз жед къилав,
Къуьруь хьанвай байихриз зи
Агакьзава зав хабарар,
Дустарив чи вуна гайи,
Зун гьа зун я, чIурнач икърар,
Накь ваз хайи, къе тир къайи.
Эхь, а вилер а киферни,
И дуьняда ахквадач заз…
Бес а пата са сеферни,
Аквадач жал чун сад садаз?
Килиг...
© Copyright: Билал Адилов, 2011
Свидетельство о публикации №111121804272
Свидетельство о публикации №111121804272
Рецензии