Са дили ашкъидин сурагъдава рикI,
Каспи хьиз дерин тир, Шагьдагъ хьиз кьакьан,
ЦIверекIар кутадай къайи гьиссерик,
Жедайвал руьгьдикай ялавдин макан.
Уьмуьрдин улубда турай цIийи чар-
Дегишрай ацакьун - къарагъунар зи,
Гьижрандин азабди гайитIа гъамар
Агьузар ийидач, жеда зун рази..
ЦIайлапан еришдив чандиз атурай,
Кьилелай кIвачелди къурай зун битав.
КичIе туш, ашкъиди къуй рикI атIурай,-
Гъалиб хьуй амма зи хиялриз чIулав…
Са дили ашкъидин сурагъдава
© Copyright: Билал Адилов, 2011
Свидетельство о публикации №111121804225
Свидетельство о публикации №111121804225
Рецензии