Лугьузва на, хъвач, хквемир и патаз,
Галатнава, четин я дерт-гъам эхиз.
Лугьузва на, чинихъ гьихьтин хъел галаз,
Амма вилер хъуьрезва ви эвел хьиз.
Чуьнуьх жезвач вавай рикIин кьатIунар,
Маса гузва вилери вун, чизвани?
Низ лазим я акъажунар, атIунар,
Бегем, ида ашкъидиз дад гъизвани?
Хъел жез, туьхкуьн - вуч са лезет я, лугьуз,
Белки вуна чиз-чиз зи рикI тIарзава?
Азиятар кIватIал-кIватIал зав вугуз,
Вучиз элдиз чи кIанивал харзава?
28.08.2011
Маса гузва вилери вун...
© Copyright: Билал Адилов, 2011
Свидетельство о публикации №111121804170
Свидетельство о публикации №111121804170
Рецензии