Берашна

-Полла ,полла ,къорза  Полла,
Стенна  бетта  ахьа  лолла?
-Къа  ца  хьегча  со  ца  болу,
Цундела  ас  аре  толлу.

***  ***   ***
Курра  лела  сай,
Хьоьшуш  сийна  бай,
Хьовсал,цуьнга ,х1ай,
И  МЕЛ  ХАЗА  БАЙ!

***  ***


ДIахьаьжча  го  сийна  лаьмнаш,
Стигал  хьалаг1оьртина.
Царна юххехь тийна б1аьвнаш,
Вайн  дайн-дайша йоьттина.


Мацах цу чохь   адмаш   даьхна,               
Кхиош ялта, лелош  дой.
Шайца  долуш  г1иллакх аьхна
Хьешашна ца кхоош  той.


Т1улгех терра ч1ог1а  амал,
Шаьш  б1аьвнашца гайтина
Йитинчух тера   ду-1ама,
Дайн мохк биц  ца байта а…
***********

Дара тхан цхьа  жима  к1еза,
Суна  ч1ог1а  дукха дезаш,
Месал-лергаш,1аьржа  бос,
ц1е тиллира цунна Бос.

Тхо д1адоьлхуш, т1амах девдда,
Къаьхкина и герзах дедда...
Шайна гинехь жима  Бос,
Цунах соьга  язде  дош.

***   ***   ***   ***
Нохчийн  мотт,хьо  кхуьуш  бог1у  денна,
Дуьйжи  заза,  лато  кечлуш  стом,
Даржодериг  мерза  мутт  дуьненна,
Ца  хуьлуьйтуш  кхин  дуьненахь –т1ом.


Цхьанна  ша  ца  тайна, 1азап  лайна  ,
Даламукълахь, х1инца-м  дели  къам,
Йоккхае  со,  схьакарорна  сайна,
Нохчийн  меттан  к1айн  жовх1арийн  1ам.

***  ***    ***   ***   ***
***   ***   ***   ***



Б1аьсте,  я хъо могаш-маьрша ,
Дахьаш  шортта  беркат-ирс
Дуьнена т1ехь  баржош машар,
Т1амна хьееш  луьра  ч1ир,

Кхин ца дохо дегнаш берийн,
Жил1аламо ч1аг1о еш,
1енош  маьрша заза генийн,
Массанхьа и  даржадеш

Б1аьсте, йола цкъа мукъане ,
Хьостуш Нана-Нохчийчоь,
Ма  хир дара-кх самукъане ,
Дог ца тоь ,сатуьйсуш хьоь.

***   ***   ***   ***


               Опубликованы  в журнале "Стела1ад"("Радуга") 2003-2005