Сан деган и терхеш

Шарип Цуруев
Сан деган и терхеш
           Iаржъелла,
                Iаржъелла,
                Iаржъелла,
Хеназа баьгначу безаман
                кIурз биллина.
Эххар а кхечи со кхийрина
                хIара син бIаьрзалла. –
Хьан васто бIарзвина,
Хьан васто со тилийна.

Хьо дIаяй даимна,
Хьо дIаяй тIепаза,
                тIепаза…
Туьйранахь санна, хьо малх марахь,
                дIатевжина.
Со тIаьхьагIеттинчохь висна кегделлачу тIемашца,
Сан хIинца ойла а язъелла шен энашна.

Хьо лепа!
Хьан лепар гуш дац-кха суна бен бIаьрзечу:
Хьо лепа,
             йохаеш бодане сан тийналла.
Сан деган и терхеш
           Iаржъелла,
                Iаржъелла,
                Iаржъелла,
Хеназа баьгначу безаман кIурз биллина…


© Copyright: Шарип Цуруев, 2011
Свидетельство о публикации №111120603419
Список читателей / Версия для печати / Разместить анонс / Заявить о нарушении
Другие произведения автора Шарип Цуруев
Рецензии
Написать рецензию
Другие произведения автора Шарип Цуруев