Тахна суна дерриг ду куьце!
ХIара суьйре ма коча качъелла…
ЦIечу дарех йогу малхбузе,
Малх дIалачкъа гIерта, нускалх терра.
Яьссин йистехь сийна акхтаргаш
Эвхье лаьтта. (Мехкарий бу хетий!)
Кестта стиглахь хир бу масех седа,
Сан хьомечун гича йоI-бIаьргаш,
ГIеххьачул шаьш кхоьлина а хеташ.
Малх ша берриг къайлабалале,
Бутт а гучубели – маьлхан эмгар.
КIайчу мархийн сурт ду беламе –
Шайн догIмашца йилли цара эмкал.
Сийна лаьмнаш – тера доттагIех –
Тешам болуш, сан букъ тIехьа лаьтта.
Стигал, хаац, юй-те тера дех,
Амма ненах тера-м ду вайн латта…
Тахна суна дерриг ду куьце!
ХIара суьйре ма коча качъелла…
Тахна суна дерриг ду куьце
© Copyright: Шарип Цуруев, 2011
Свидетельство о публикации №111120603332
Свидетельство о публикации №111120603332
Рецензии