Бес архайин яни ви рикI

Билал Адилов
Атана чIав чара жедай
Зун са патахъ, вун са патахъ..
Чи ругьериз  къаяр къведай
Хиялариз: вуч хьанва чахъ?
Алахънава секинариз,
Акъваз туна гьа вуна зун.
КIанзавач ваз деринариз
РикIеравай  къенин  юзун.
Заз чида вун валай  хъсан,
Руьгь  инамаз фин туш асан…
Акъвазнава зун килигиз,
Кьиткьиннавай нагъв вилериз,
Гьал кумачир  ви гъилериз…
Гафарилай  зурхъуман  ви
Муркар жезва  чанда иви!
Мажбурна жув, хъуьрезва зун,
Саймазди  хьиз, къекъвезва зун…
Туна рекъе  жуван гъилив
Агакьнава исят кIвалив.
ИчIивили акъудна гьекь…
Къефесдава саки са лекь…
Ингье гила къеняй ргаз:
«Бес архайин яни ви рикI?
Вуна ам тек валай яргъаз,
Залумдин хва, ахъайна гьикI?-
Жузаз  завай  гузвач аман,
Зун къеневай гьа зун хьтин
Са масада кузва яман…
               


© Copyright: Билал Адилов, 2011
Свидетельство о публикации №111120503779
Список читателей / Версия для печати / Разместить анонс / Заявить о нарушении
Другие произведения автора Билал Адилов
Рецензии
Написать рецензию
Другие произведения автора Билал Адилов