Лаьтта со Iаламе
Хьоьжуш тийналехь.
Ойланаш юьгу
Геналле дIа...
Го суна цигахь
Сайн ирсе бералла,
Нана ю хезаш
Мохь бетташ соь.
Доггах къовлу
Со нанас мара,
Хьоьсту коьрта тIе
Куьг хьоькхуш дай,
Сан дашо На - на
Дуьне ахь даа,
Декъала хилариг хьаьста хьо
Ирсо безамах юьзна.
Ма мерза ю хьо
Сан хьоме нана,
Хьай сица оьзда,
Комаьрша дог.
Мел къеда ду
ХIора ахь олу дош.
Ахь еллачу йовхоно
Лелош ю со.
Ойланаш...
Ма йоьхна, яьржина шу.
Кийрара дог
ТIулг хилла лаьтта.
Мохь тоьхна кхойкху
Ас хьоьга, нана
Амма сан аз
Анналехь дов.
Дагалецам на чеченском
© Copyright: Заира Ибрагимова, 2011
Свидетельство о публикации №111120404640
Свидетельство о публикации №111120404640
Рецензии