Белкини тан чи канивал чинеба,
КичIе я заз и ашкъида вил акьаз.
Икьван мили байихар чи экьвеба
Лугьун тийин, минет хьурай гьич садаз.
ЭкъечIин чун Селибурдин яйлахдиз,
Гуьлуьшан яз атир гудай кьуд патай,
Ашкъидин са кIвал туькIуьрун кIеле хьиз,
Мягькемвилив бедназарар атIудай.
Пехил жеда шаксуз сувун жейранар,
Акурлахъди цукьвед къене ви къамат,
ТIимилармир, чан каниди, заз дидар-
И дуьняни вун авачиз - къазамат!
Чинеба тан
© Copyright: Билал Адилов, 2011
Свидетельство о публикации №111120201168
Свидетельство о публикации №111120201168
Рецензии