Тишделла кехаташ къастош,
Урх йайна къоналле вигна,
Можа гIа соь хьоьжу къохкан
Истанган тикма тIехь тегна.
Шовзткъа шо дIахарцош, хьаьжи,
И гIа соь ахь делла суьйре.
Нур дашо малх хилла, къежи,
Сакхонах дузуш сан туьйра.
Ойланийн мохь-орцех иэвеш,
Виги со тешнабехк бохо,
ГIо доцуш карчийти цIийла,
Ачонна гIевттинарш толош.
Тевжира хIетахь чух варшахь
Олхазар – селасат геннахь,
Къерзара бутт, йеъна хорша,
Орцах вайна бIо лохуш анехь…
Нажжаз деш, самах го гIенаш,
Воккхавер ло суна гIано,
Айина синхаъмийн тулгIеш,
Руьйтанахь ца йуьтуш тийна.
Къохкан гIа
© Copyright: Заурбек Хамерзаев, 2011
Свидетельство о публикации №111120104939
Свидетельство о публикации №111120104939
Рецензии
К1орггера нохчийн мотт бевзаш, безаш волу Хамерзаев Заурбек вай даггара декъалво цуьнан кху деношкахь 80 шо кхачарца! Могаш а, маьрша а волуш, Дала кхин а дуккха шерашкахь вахавойла хьо! Вайн адамаша, къаьсттина, кегийрхоша хьоьгара ирс-беркат схьаэцаре догдоху вай!
Ларамца,
Асламбек Гайтукаев 23.05.2022 09:56 • Заявить о нарушении
Ларамца,
Асламбек Гайтукаев 23.05.2022 09:56 • Заявить о нарушении
На это произведение написаны 3 рецензии, здесь отображается последняя, остальные - в полном списке.