Хьо туьйли вайшиннан къовсамехь, езар:
Ахь къиза дIатетти сан массо дезар.
Хедийна ели хьо сан байтийн тIемаш,
Со иэшон Iемаш.
Адамийн гIийбатех ца лууш кхера,
Ели-те, хьомениг, хьо кхоччуш хьера?
Соь ала мел дезарг хьо аьлла яьлла,
Соьх дог а даьлла.
Хьалхара къурд а бай къастаран хIонах,
ТIаьххьара бIаьрг тохий сан дагна гонах,
Кхин лаьтта ца божош хьайн бIаьрхих цинц а,
ДIагIохьа хIинца.
ДаьргIа, 1978 шеран апрель
Хьо туьйли вайшиннан къовсамехь, езар...
© Copyright: Ибрагим Юсупов, 2011
Свидетельство о публикации №111111010706
Свидетельство о публикации №111111010706
Рецензии