ЛадогIал аш соьга, бераш!
Вай аьхкенах, бIаьсте олу.
Хьалха лаьтта дуккха некъаш.
Со а шуьца ловза воллу.
Дуьло бераш, лома гIо вай,
Нохчийн бIаьвнех марзо эца.
Цигахь баьхна нохчийн дедай,
И вайн хьоме Даймохк беца.
Вайн Iаламах марзо оьцуш,
ХьошалгIахь ду хийра къаьмнаш.
Хьовсал, бераш, вайга хьоьжу,
И вайн къоьжа, лекха лаьмнаш.
Лечкъош, йина дера чевнаш,
Курра лаьтташ ду вайн лаьмнаш.
Силсил хилла, юьйцуш хенаш,
ГIароллехь ю царна бIаьвнаш.
И шайн догIмаш дуьхьал лоьцуш,
Хийла чевнаш хилла царна.
Малхе кхийдаш лаьтташ ду уьш,
Ас и дийцац юьхьна, цIарна.
Дуьло, бераш, лома гIо вай,
Нохчийн бIаьвнех марзо эца.
Цигахь баьхна нохчийн дедай,
И вайн хьоме Даймохк беца.
Берашка
© Copyright: Нурди Пашаев, 2011
Свидетельство о публикации №111110903167
Свидетельство о публикации №111110903167
Рецензии