Малхе кховда, хIай сан илли,
Адмийн яххьаш елае.
Тоьар ду, хьо даг чохь Iилли,
Токхе беркат хьекъаде.
Адамашна гонах далий,
Жимчу берах хьастало.
Хьогаллина шовда хилий,
Ломан хьехах Iовдало.
Iехавелла некъах тилларг,
Ойла эшош гIаттаве.
ЦIенчу доггах безам бахнарг,
Шен ирсах ахь тешаве.
ГIатта илли, тIомадала,
Хьайн зевне аз декаде.
Сан Даймехкан башха амат,
Малха кIел дIадаржаде.
Г1атта илли
© Copyright: Нурди Пашаев, 2011
Свидетельство о публикации №111110903135
Свидетельство о публикации №111110903135
Рецензии