Шен гай дуьзна паргIатдаьлча,
Мерза наб еш дийнахь, бусий,
Наб ца тоьаш тхан писулий,
Пеша уллехь дижна Iа.
Цкъацкъа иза самадаьлча,
ЦIена цIанбеш ши ког буьлий,
Юха лоррий юьхь а юьлий,
Баьрчче долий дуьжу дIа.
Наггахь, буса арахь дисча,
НеIре догIий, мIараш туьйсуш,
ЧIаьгIна неI дIаелла гIерташ,
Пису неIарх тийсало.
НеI йиллина, ша чу дитча,
Багахь хур деш, тIехьекхалуш,
Улле догIий, когех хьерчаш,
ЦIога сихдой хьийзадо.
Арадала цунна лиъча,
БIаьргаш хьабдой, гонах долий,
Писус гIоттий, олий «мIаьв»,
Елла олу шена неI.
Улло вахна ас куьг хьаькхча,
Цунах чIогIа там а хуьлий,
Аьллашехьа писус мIаьв,
Далац ара елларх неI.
Писулий
© Copyright: Нурди Пашаев, 2011
Свидетельство о публикации №111110903112
Свидетельство о публикации №111110903112
Рецензии