Нанас лергах мехий дохуш,
КIанте хьехар дина бах:
«Со ю хьуна цIера йолуш,
Вон ца лелаш, Iелахь цIахь.
Пешо «овиш» дийр ду хьуна,
Нагахь цунна тIегIортахь…
Вайн ишкап чохь борз ю хьуна,
Варий, неI ма еллалахь».
Амма кIентан са ца тийна,
Нанас баьхнарг кхочушдан.
Ишкапан неI цо йиллина,
Къайлехь лечкъа экха ган.
ЦIа ма-кхеччи хиъна нанна,
Банки чохь цахилар моз,
Бехках хьалхаволуш кIанта,
Цунна бехке йина борз.
Пеша уллохь дижна хилла,
Цициг хьалагIаьттина.
Гучадоккхуш кIентан хIилла,
Бабе дийца гIоьртина:
КIанте хьоьжуш, багахь хур деш,
Вийца гIерташ диънарг моз,
ХIуьттура и кIантана теш,
«КIант ю, -бохуш,- жима борз!»
Барзо диъна моз
© Copyright: Нурди Пашаев, 2011
Свидетельство о публикации №111110903106
Свидетельство о публикации №111110903106
Рецензии